མཚོ་སྔོན་ཞིང་ཆེན་གྱིས་སྨན་བཅོས་ཡོ་བྱད་ཐད་ཀྱི་སྒྲིག་བཅོས་ལྔའི་ཆེད་དོན་འགུལ་སྐྱོད་སྤེལ་བ།
ཡིག་ཆ་སྤེལ་བའི་དུས་ཚོད།:2014-03-27   རྩོམ་གྱི་ཡོང་ཁུངས། མཚོ་སྔོན་ཉིན་རེའི་ཚགས་པར།

གསར་འགོད་པས་ཟླ་གསུམ་པའི་ཚེས་ཉེར་གཅིག་ཉིན། མཚོ་སྔོན་ཞིང་ཆེན་ཟས་རིགས་སྨན་རྫས་ལྟ་སྐུལ་དོ་དམ་ཅུའུ་ནས་རྒྱུས་ལོན་བྱུང་བ་ལྟར་ན། མཚོ་སྔོན་ཞིང་ཆེན་གྱིས་སྨན་བཅོས་ཡོ་བྱད་ཐད་ཀྱི་ལྟ་སྐུལ་དོ་དམ་ལ་ཤུགས་བསྣན་ནས། སྨན་བཅོས་ཡོ་བྱད་ཀྱི་ཐོ་འགོད་དང་ཐོན་སྐྱེད། འགྲོ་རྒྱུག བཀོལ་སྤྱོད་བཅས་དུས་རིམ་ལྔའི་ཁྲོད་གནས་པའི་འབུར་ཐོན་གནད་དོན་ལ་སྒྲིག་བཅོས་བྱེད་ཆེད། ཉེ་ལམ། མཚོ་སྔོན་ཞིང་ཆེན་ཟས་རིགས་སྨན་རྫས་ལྟ་སྐུལ་དོ་དམ་ཅུའུ་ཡིས་སྨན་བཅོས་ཡོ་བྱད་ཐད་ཀྱི་སྒྲིག་བཅོས་ལྔའི་ཆེད་དོན་འགུལ་སྐྱོད་བྱ་བ་སྤེལ་ནས། སྨན་བཅོས་ཡོ་བྱད་ཚོང་རའི་སྒྲིག་ལམ་སྔར་ལས་ཚད་ལྡན་དུ་བཏང་བ་མ་ཟད། ཁྲིམས་འགལ་ལུགས་འགལ་གྱི་བྱ་སྤྱོད་ལ་རྡུང་རྡེག་ནན་མོ་བྱས།

ཆེད་དོན་སྒྲིག་བཅོས་བྱ་བ་བཟང་བོར་བསྒྲུབ་ཆེད། མཚོ་སྔོན་ཞིང་ཆེན་ཟས་རིགས་སྨན་རྫས་ལྟ་སྐུལ་དོ་དམ་ཅུའུ་ཡིས་སྨན་བཅོས་ཡོ་བྱད་ཐད་ཀྱི་སྒྲིག་བཅོས་ལྔའི་ཆེད་དོན་འགུལ་སྐྱོད་ཇུས་གཞི་ཞིབ་མོ་བཟོས་ནས། སྒྲིག་བཅོས་མགོ་ཁྲིད་ཚན་ཆུང་བཙུགས་པ་དང་སྤྱིའི་དམིགས་འབེན་གཏན་ཁེལ་བྱས་ལ། སྡེ་ཁག་སོ་སོའི་འགན་ནུས་དངོས་འབེབས་བྱས་པ་མ་ཟད། སྨན་བཅོས་ཡོ་བྱད་ཐོ་འགོད་རྫུན་མ་བྱེད་པ་དང་ལུགས་དང་མི་མཐུན་པར་ཐོན་སྐྱེད་བྱེད་པ། ཁྲིམས་འགལ་ཚོང་གཉེར་བྱེད་པ། དཔང་ཡིག་མེད་པར་བཀོལ་སྤྱོད་བྱེད་པ། འུད་སྒྲོག་བྱེད་པ་བཅས་གཙོར་བཟུང་ནས་སྒྲིག་བཅོས་བྱེད་པའི་ལྟ་སྐུལ་ཞིབ་བཤེར་གྱི་ནང་དོན་དང་ལག་བསྟར་རིམ་པ་གཏན་འབེབས་བྱས། ཆེད་དོན་འགུལ་སྐྱོད་ཀྱིས་ཁོངས་གཏོགས་ས་ཆའི་ལྟ་སྐུལ་དོ་དམ་འགན་ནུས་དང་སྤྱི་བདེ། འཕྲོད་བསྟེན་དང་འཆར་ལྡན་བུ་སྐྱེས། བཟོ་ཚོང་སོགས་སྡེ་ཁག་བར་གྱི་བརྗེ་རེས་མཉམ་ལས་ལ་ཤུགས་བསྣན་ནས། ཁྲིམས་འགལ་ལུགས་འགལ་གྱི་བྱ་སྤྱོད་མཐོང་ཚེ་དུས་ལྟར་ཐག་གཅོད་པ་དང་། ཆད་པ་གཅོད་དགོས་སར་ཆད་པ་གཅོད་པ། ཐེར་འདོན་བྱེད་དགོས་པར་ཐེར་འདོན་བྱེད་པ། ཚོང་གཉེར་བྱེད་ཆོག་པའི་འཛིན་ཡིག་མེད་པར་བཟོ་བ། སྤྱི་བདེ་དང་བཟོ་ཚོང་ལས་ཁུངས་སུ་བརྒྱུད་སྤྲོད་བྱེད་པ་བཅས་བྱེད་རྒྱུ་ཡིན་པ་མ་ཟད། བྱ་བར་དོན་འཁྱོལ་མི་བྱེད་པ་དང་། ཞིབ་བཤེར་ལ་རོགས་འདེགས་མི་བྱེད་པ། ལྟ་སྐུལ་ཞིབ་བཤེར་དང་གྱོད་གཞི་ཞིབ་གཅོད་བྱེད་སྐབས་ཤུགས་མི་འདོན་པ། འགན་འཛོལ་བྱུང་བའི་གནས་ཚུལ་བཅས་ཐད་ནས་ཁྲིམས་ལྟར་འབྲེལ་ཡོད་མི་སྣའི་འགན་འཁྲི་རྩད་གཅོད་བྱེད་རྒྱུ་རེད།

རྒྱུས་ལོན་བྱུང་བ་ལྟར་ན། ཆེད་དོན་འགུལ་སྐྱོད་དེ་ཟླ་གསུམ་པའི་ཚེས་བཅོ་ལྔ་ཉིན་མགོ་བརྩམས་པ་དང་། ཟླ་བརྒྱད་པའི་ཚེས་བཅོ་ལྔ་ཉིན་མཇུག་བསྒྲིལ་རྒྱུ་རེད།

གོང་མ།:null
འོག་མ།:འབའ་རྫོང་རྨ་བྱང་ཡུལ་ཚོས་ཁོར་ཡུག་གཙང་སྦྲར་ལེགས་བཅོས་བྱས་ནས་སྐྱེ་ཁམས་དཔལ་ཡོན་དར་བའི་གྲོང་སྡེ་བསྐྲུན་པ།
 གསར་འཛུགས་གནས་ཚུལ།
རྨ་ལྷོ་སོག་རྫོང་ཅིས་ནུན་ཧོ་ལ'  
རྨ་ལྷོ་ཁུལ་རེབ་གོང་ས་ཁུལ་དུ་'  
རང་ཚུགས་ཀྱིས་ལས་སྒོ་གསར་སྤེལ&  
ཁུལ་ཨུའི་འཐབ་སྒྲིལ་པུའུ་ཡིས་'  
མི་རིགས་མཐུན་སྒྲིལ་དྲིལ་སྒྲོ'  
དེ་ལས་མང་བ།
 དཔེ་བཟང་མཚོན་བྱེད།
བདེ་འཇགས་ཡོད་ཚད། ཚེ་སྲོག་གི་ར&  
མི་རིགས་མཐུན་སྒྲིལ་གྱི་མེ་ཏོ'  
ལྷག་བསམ་རྣམ་དག་གིས་ཞབས་ཕྱི་བ'  
རྨ་ལྷོ་སོག་རྫོང་ལྷ་མོའི་བླ་མ'  
རྩྭ་ཐང་ཕྱུག་ལམ་དུ་ཁྲིད་པའི་ག(  
དེ་ལས་མང་བ།
གཞན་གྱི་དགེ་མཚན་ཆུང་ངུ་།
མཚོ་སྔོན་ཞིང་ཆེན་གྱིས་སྨན་བཅ'  
འབའ་རྫོང་རྨ་བྱང་ཡུལ་ཚོས་ཁོར་'  
མཚོ་སྔོན་ཞིང་ཆེན་གཙང་གསུམ་འབ(  
མཚོ་སྔོན་ཞིང་ཆེན་གྱིས་གསུམ་ག'  
ཆི་ལེན་རྫོང་གིས་རྐང་འཛིན་ལས་'  
དེ་ལས་མང་བ།
  པར་རིས་གསར་འགྱུར།
“རྨ་ལྷོ་ཁུལ་མི་རིགས་མཐུན་སྒྲི
རྨ་ལྷོ་ཁུལ་ཆོས་ལུགས་སོ་སོའི་'
དེ་ལས་མང་བ།