རྩྭ་ཐང་གི་བཅའ་ཁྲིམས་ཁྲིམས་སྲོལ་ཤེས་བྱ། ༡
ཡིག་ཆ་སྤེལ་བའི་དུས་ཚོད།:2015-03-10   རྩོམ་གྱི་ཡོང་ཁུངས། མཚོ་སྔོན་བོད་སྐད་རྒྱང་བསྒྲོགས་བརྙན་འཕྲིན་ཁང་།

ཅི་ཞིག་ལ་རྩྭ་ཐང་ཟེར།

རྩྭ་ཐང་ཞེས་པ་ནི་རྩྭ་རིགས་སྐྱེ་དངོས་དང་ལྗོན་ཤིང་གཙོ་བོ་ཡིན་པའི་སྔོ་ཁེབས་ཀྱིས་གཡོགས་པའི་ས་ཞིང་ལ་ཟེར་ཞིང་། དེའི་ནང་དུ་རང་བྱུང་རྩྭ་ཐང་དང་མིས་བསྐྲུན་པའི་རྩྭ་ས་འདུས་ཡོད། རང་བྱུང་རྩྭ་ཐང་ལ་རྩྭ་ས་དང་སྤང་རི། ལ་ངོ་བཅས་འདུས་ཡོད། མིས་བསྐྲུན་པའི་རྩྭ་ས་ཞེས་པ་ནི་མིའི་ཐབས་ཀྱིས་ཕྱུགས་རྩྭ་བཏབ་ནས་གྲུབ་པའི་རྩྭ་ས་ལ་ཟེར་ཞིང་། དེའི་ནང་དུ་ལེགས་པོར་བསྒྱུར་བའི་རྩྭ་ས་དང་རྨོ་བསྐྱུར་ནས་རྩྭ་བཏབ་བའི་རྩྭ་ས་འདུས། 

ཅིའི་ཕྱིར་རྩྭ་ཐང་སྲུང་སྐྱོབ་དང་འཛུགས་སྐྲུན་བྱེད་དགོས། 

རང་རྒྱལ་གྱི་རྩྭ་ཐང་གི་རྒྱ་ཁྱོན་ཧ་ལམ་སྤྱི་ཆིང་དུང་ཕྱུར་བཞི་ཡོད་ཅིང་། མངའ་ཁོངས་ཀྱི་སྤྱིའི་རྒྱ་ཁྱོན་གྱི་ལྔ་ཆའི་གཉིས་ཟིན། རྩྭ་ཐང་ལ་སྐྱེ་ཁམས་དང་དཔལ་འབྱོར། སྤྱི་ཚོགས་བཅས་ཀྱི་རྩོལ་ནུས་གལ་ཆེན་ལྡན་ཏེ། རྩྭ་ཐང་ནི་རང་རྒྱལ་གྱི་རྒྱ་ཁྱོན་ཆེས་ཆེ་བའི་ལྗང་མདོག་གི་སྐྱེ་ཁམས་སྲུང་ཡོལ་ཡིན་ལ། རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་སྐྱོབ་བྱེད་པར་གལ་འགངས་ཆེ་བ་ཡིན། རྩྭ་ཐང་ནི་ཕྱུགས་ལས་འཕེལ་རྒྱས་སུ་གཏོང་བའི་དངོས་པོའི་རྨང་གཞི་ཡིན་ཞིང་། རོང་འབྲོག་པའི་ཐོན་སྐྱེད་དང་འཚོ་བ་ཚང་མ་རྩྭ་ཐང་དང་འབྲལ་ཐབས་མེད། རྩྭ་ཐང་དུ་དཔལ་འབྱོར་དང་སྨན་རྫས་ཀྱི་རིན་ཐང་ལྡན་པའི་རི་སྐྱེ་སྐྱེ་དངོས་མང་པོ་སྐྱེས་འདུག་ལ། རྒྱུད་འཛིན་ཐོན་ཁུངས་ལེགས་པོ་གསར་སྤེལ་དང་གསོ་སྨན་ལས་རིགས་གོང་དུ་སྤེལ་བར་ནུས་པ་གལ་ཆེན་ལྡན། རྩྭ་ཐང་ད་དུང་རི་སྐྱེ་སྲོག་ཆགས་དང་སྐྱེ་དངོས་སྣ་ཚོགས་སྐྱེ་ས་དང་འཚོ་རྟེན་གྱི་གནས་ཡིན་པས། སྐྱེ་དངོས་ཀྱི་སྣ་མང་རང་བཞིན་སྲུང་སྐྱོབ་བྱེད་པར་གལ་འགངས་ཤིན་ཏུ་ཆེ། དེར་བརྟེན། རྒྱ་ཆེའི་རོང་འབྲོག་མང་ཚོགས་ཀྱིས་དངོས་གནས་བདག་པོའི་ནུས་པ་འདོན་སྤེལ་བྱས་ནས། རྩྭ་ཐང་སྲུང་སྐྱོབ་དང་འཛུགས་སྐྲུན་བྱེད་པར་མཐོང་ཆེན་བྱས་ཏེ། རྩྭ་ཐང་རྒྱུན་མཐུད་དེ་བེད་སྤྱོད་ཐུབ་པ་མངོན་འགྱུར་བྱེད་དགོས། 

རོང་འབྲོག་པས«རྩྭ་ཐང་བཅའ་ཁྲིམས»ལ་སློབ་སྦྱོང་བྱེད་དགོས་དོན་ཅི་ཡིན།

རྒྱལ་ཁབ་ཀྱིས་རྩྭ་ཐང་ནུས་ཡོད་སྒོས་སྲུང་སྐྱོབ་དང་འཛུགས་སྐྲུན། ལུགས་མཐུན་གྱིས་བེད་སྤྱོད་བཅས་བྱས་ཏེ། སྐྱེ་ཁམས་ཁོར་ཡུག་ལེགས་སྒྱུར་བྱེད་པ་དང་དེང་རབས་ཕྱུགས་ལས་གོང་དུ་སྤེལ་ནས། དཔལ་འབྱོར་དང་སྤྱི་ཚོགས་ཀྱི་རྒྱུན་མཐུད་ལ་སྐུལ་འདེད་གཏོང་ཆེད། 2003ལོར་གསར་དུ་བཟོ་བཅོས་བྱས་པའི«རྩྭ་ཐང་བཅའ་ཁྲིམས»ཁྱབ་བསྒྲགས་ལག་བསྟར་བྱས་པ་རེད། རོང་འབྲོག་མང་ཚོགས་ནི་རྩྭ་ཐང་སྲུང་སྐྱོབ་དང་འཛུགས་སྐྲུན་བྱེད་མཁན་གཙོ་བོ་ཡིན་ལ། རྩྭ་ཐང་ནི་རོང་འབྲོག་པ་འཚོ་རྟེན་བྱེད་ས་དང་འཕེལ་རྒྱས་སུ་གཏོང་བའི་དངོས་པོའི་རྨང་གཞི་ཡིན། རོང་འབྲོག་པས«རྩྭ་ཐང་བཅའ་ཁྲིམས»ལ་སློབ་སྦྱོང་བྱེད་པར་དགོས་གལ་ཤིན་ཏུ་ཆེ་སྟེ། ཕྱོགས་གཅིག་ནས་རང་སྟེང་གི་བཅའ་ཁྲིམས་འདུ་ཤེས་ཇེ་དྲག་ཏུ་བཏང་ནས། བཅའ་ཁྲིམས་ཀྱི་གཏན་ཕབ་མ་ཤེས་པའི་དབང་གིས་ཁྲིམས་འགལ་གྱི་དོན་དག་སྒྲུབ་པར་སྔོན་འགོག་བྱེད་ཐུབ། ཕྱོགས་གཞན་ཞིག་ནས་རང་གི་ཁྲིམས་མཐུན་ཁེ་དབང་ལ་གནོད་འཚེ་ཐེབས་དུས། བཅའ་ཁྲིམས་ཀྱི་ལག་ཆ་ཡང་དག་པར་བེད་སྤྱད་ནས་རང་གི་ཁེ་དབང་སྲུང་སྐྱོབ་བྱེད་ཐུབ། 

ཞིང་ལས་པུའུ་ཡིས་རྩྭ་ཐང་དོ་དམ་སྒྲིག་སྲོལ་གང་དག་གཏན་འབེབ་བྱས་ཡོད། 

«རྩྭ་ཐང་བཅའ་ཁྲིམས»བཟོ་བཅོས་དང་ལག་བསྟར་བྱས་རྗེས། ཞིང་ལས་པུའུ་ཡིས«ཤིང་མངར་དང་མཚེ་ལྡུམ་བརྐོ་བསྡུ་དོ་དམ་བྱེད་ཐབས»དང«རྩྭ་ཕྱུགས་དོ་མཉམ་པར་དོ་དམ་བྱེད་ཐབས»། «རྩྭའི་ས་བོན་དོ་དམ་བྱེད་ཐབས»། «རྩྭ་ཐང་འཛིན་སྤྱོད་བྱེད་པར་ཞིབ་བཤེར་མཆན་འགོད་དོ་དམ་བྱེད་ཐབས»སོགས་སྒྲིག་སྲོལ་གཏན་འབེབས་བྱས་ཡོད། 

རྒྱལ་ཁབ་ཀྱིས་རྩྭ་ཐང་དོ་དམ་བྱེད་ཕྱོགས་ཅི་ཞིག་ཡིན། 

རྒྱལ་ཁབ་ཀྱིས་རྩྭ་ཐང་ལ་ཚན་རིག་དང་མཐུན་པར་འཆར་འགོད་དང་སྒོ་ཀུན་ནས་སྲུང་སྐྱོབ། གཙོ་གནད་འཛུགས་སྐྲུན། ལུགས་མཐུན་ཀྱིས་བེད་སྤྱོད་པའི་བྱེད་ཕྱོགས་ལག་བསྟར་བྱས་ནས། རྩྭ་ཐང་རྒྱུན་མཐུད་ནས་བེད་སྤྱོད་དང་སྐྱེ་ཁམས་དང་དཔལ་འབྱོར། སྤྱི་ཚོགས་བཅས་མཐུན་སྦྱོར་ངང་བེད་སྤྱོད་པར་སྐུལ་འདེད་གཏོང་བཞིན་ཡོད། 

རང་རྒྱལ་གྱི་སྤྱི་དམངས་ལ་རྩྭ་ཐང་སྲུང་སྐྱོབ་ཕྱོགས་ནས་ཁེ་དབང་དང་འོས་འགན་གང་དག་ཡོད། 

 «རྩྭ་ཐང་བཅའ་ཁྲིམས»ལས་གཏན་ལ་ཕབ་དོན། སྡེ་ཁག་དང་མི་སྒེར་གང་ཡིན་རུང་རྩྭ་ཐང་བཅའ་ཁྲིམས་དང་ཁྲིམས་སྲོལ་བརྩི་སྲུང་དང་། རྩྭ་ཐང་སྲུང་སྐྱོང་བྱེད་པའི་འོས་འགན་ཡོད། དེ་དང་ཆབས་ཅིག་རྩྭ་ཐང་བཅའ་ཁྲིམས་དང་ཁྲིམས་སྲོལ་དང་འགལ་བ་དང་། རྩྭ་ཐང་ལ་གཏོར་བརླག་བྱེད་པའི་བྱ་སྤྱོད་ལ་ལྟ་སྐུལ་དང་ཐེར་འདོན། གཏུག་བཤེར་བྱེད་པའི་དབང་ཆ་ཡོད། ཡང་གཅིག་བཤད་ན། སྤྱི་དམངས་ཀྱིས་རང་རྟོགས་སྒོས་རྩྭ་ཐང་བཅའ་ཁྲིམས་དང་ཁྲིམས་སྲོལ་བརྩི་སྲུང་བྱས་ནས། རྩྭ་ཐང་བཅའ་ཁྲིམས་དང་ཁྲིམས་སྲོལ་དང་འགལ་བའི་དོན་དག་མི་སྒྲུབ་པ་མ་ཟད། སྡེ་ཁག་དང་མི་སྒེར་གཞན་པས་རྩྭ་ཐང་ལ་གཏོར་བརླག་བྱེད་པ་དང་། རྩྭ་ཐང་བཅའ་ཁྲིམས་དང་འགལ་བའི་བྱ་སྤྱོད་དེ་རྩྭ་ཐང་སྲིད་འཛིན་གཙོ་གཉེར་དོ་དམ་སྡེ་ཁག་གམ་མི་དམངས་སྲིད་གཞུང་གི་ལས་ཁུངས་གཞན་པར་ཐེར་འདོན་དང་། གཏུག་བཤེར་བྱེད་པའི་དབང་ཆ་ཡོད། 

སྡེ་ཁག་གང་གིས་རྩྭ་ཐང་ལྟ་སྐུལ་དོ་དམ་བྱ་བར་འགན་ཁུར་བཞིན་ཡོད། 

ཞིང་ལས་པུའུ་ཡིས་རྒྱལ་ཡོངས་ཀྱི་རྩྭ་ཐང་ལྟ་སྐུལ་དོ་དམ་བྱ་བར་འགན་འཁུར་བཞིན་ཡོད། རྫོང་རིམ་པ་ཡིན་གྱི་ས་གནས་སྲིད་གཞུང་རྩྭ་ཐང་སྲིད་འཛིན་གཙོ་གཉེར་སྡེ་ཁག་སྟེ་ཕྱུགས་ལས་ཅུའུ་དང་ཞིང་ཕྱུགས་ཅུའུ། ཞིང་ལས་ཅུའུ་བཅས་ཀྱིས་རང་སྲིད་འཛིན་ས་ཁོངས་ནང་ཁུལ་གྱི་རྩྭ་ཐང་གི་ལྟ་སྐུལ་དོ་དམ་བྱ་བར་གཙོ་འགན་འཁུར་བཞིན་ཡོད། ཞང་མི་དམངས་སྲིད་གཞུང་གིས་དགོས་མཁོ་ལྟར་ཆེར་གཉེར་མི་སྣ་དང་གཅིག་ལྕོགས་མི་སྣ་བསྐོས་ནས་བྱེ་བྲག་གི་ལྟ་སྐུལ་ཞིབ་བཤེར་བྱ་བར་འགན་འཁུར་དགོས། 

རྩྭ་ཐང་ལྟ་སྐུལ་དོ་དམ་སྡེ་ཁག་གི་ངོ་བོ་དང་འགན་ནུས་ཅི་ཞིག་ཡིན། 

རིམ་པ་སོ་སོའི་རྩྭ་ཐང་ལྟ་སྐུལ་དོ་དམ་སྡེ་ཁག་ནི་ཆེད་དུ་རྩྭ་ཐང་ལྟ་སྐུལ་དང་དོ་དམ་བྱ་བར་འགན་འཁུར་བའི་ཁྲིམས་འཛིན་ལས་ཁུངས་ཡིན་ལ། རིམ་པ་སོ་སོའི་མི་དམངས་སྲིད་གཞུང་གི་ཁྲིམས་ལྟར་རྩྭ་ཐང་སྲུང་སྐྱོབ་བྱེད་པའི་སྟོབས་ཤུགས་གཙོ་བོ་ཡིན། རྩྭ་ཐང་ལྟ་སྐུལ་དོ་དམ་ལས་ཁུངས་ཀྱི་འགན་ནུས་ནི་རྩྭ་ཐང་བཅའ་ཁྲིམས་དང་ཁྲིམས་སྲོལ་ལག་བསྟར་བྱས་པའི་གནས་ཚུལ་ལ་ལྟ་སྐུལ་ཞིབ་བཤེར་དང་། རྩྭ་ཐང་བཅའ་ཁྲིམས་དང་ཁྲིམས་སྲོལ་དང་འགལ་བའི་བྱ་སྤྱོད་ཞིབ་གཅོད་བྱ་རྒྱུ་དེ་ཡིན། 

རང་རྒྱལ་གྱི་རྩྭ་ཐང་བདག་དབང་གི་རྣམ་པ་གང་དག་ཡོད། 

རང་རྒྱལ་གྱི་རྩྭ་ཐང་བདག་དབང་ལ་རྒྱལ་ཁབ་ལ་དབང་བ་དང་ཐུན་མོང་ལ་དབང་བའི་རྣམ་པ་གཉིས་ཡོད། རྒྱལ་ཁབ་ལ་དབང་བའི་རྩྭ་ཐང་དེ་རྒྱལ་སྲིད་སྤྱི་ཁྱབ་ཁང་གིས་རྒྱལ་ཁབ་ཀྱི་ཚབ་བྱས་ནས་བདག་དབང་སྤྱོད་པ་དང་། ཐུན་མོང་ལ་དབང་བའི་རྩྭ་ཐང་དེ་སྡེ་བའི་ཐུན་མོང་དཔལ་འབྱོར་རྩྭ་འཛུགས་དང་སྡེ་དམངས་ཨུ་ཡོན་ལྷན་ཁང་ངམ་སྡེ་དམངས་ཚན་ཆུང་གིས་བདག་དབང་སྤྱོད་པ་ཡིན། རྩྭ་ཐང་བདག་དབང་སྤྱིར་བཏང་གི་གནས་ཚུལ་འོག་སྒྱུར་མི་ཆོག    འོན་ཀྱང་སྤྱི་པའི་ཁེ་ཕན་གྱི་དགོས་མཁོའི་ཆེད་དུ་རྒྱལ་ཁབ་ཀྱིས་ཐུན་མོང་ལ་དབང་བའི་རྩྭ་ཐང་དེ་ཁྲིམས་ལྟར་བསྡུ་སྤྱོད་བྱས་ཆོག་ཅིང་། བསྡུ་སྤྱོད་བྱས་རྗེས་ཐུན་མོང་ལ་དབང་བའི་རྩྭ་ཐང་དེ་རྒྱལ་ཁབ་ལ་དབང་འགྲོ་བ་ཡིན། 

རྒྱལ་ཁབ་ལ་དབང་བའི་རྩྭ་ཐང་གི་བེད་སྤྱོད་དབང་ཆ་ཇི་ལྟར་གཏན་ཁེལ་བྱེད་དགོས། 

རྒྱལ་དབང་རྩྭ་ཐང་ཁྲིམས་ལྟར་དམངས་ཡོངས་ལ་དབང་བའི་ལམ་ལུགས་ཅན་གྱི་སྡེ་ཚན་དང་ཐུན་མོང་དཔལ་འབྱོར་རྩྭ་འཛུགས་སོགས་ཀྱིས་བེད་སྤྱོད་པར་གཏན་ཁེལ་བྱས་ཆོག་པ་དང་། རྫོང་རིམ་པ་ཡན་གྱི་མི་དམངས་སྲིད་གཞུང་གིས་ཐོ་འགོད་བྱས་ཏེ་བེད་སྤྱོད་ལག་ཁྱེར་ཞིབ་སྤྲོད་བྱས་ཏེ། རྩྭ་ཐང་བེད་སྤྱོད་དབང་ཆ་ངོས་ལེན་བྱེད་དགོས། བེད་སྤྱོད་དབང་ཆ་གཏན་ཁེལ་མ་བྱས་པའི་རྒྱལ་དབང་རྩྭ་ཐང་དེ་རྫོང་རིམ་པ་ཡིན་གྱི་མི་དམངས་སྲིད་གཞུང་གིས་ཐོ་འགོད་བྱེད་དགོས་པ་མ་ཟད། བདག་སྐྱོང་དོ་དམ་གྱི་འགན་འཁུར་དགོས།

ཐུན་མོང་ལ་དབང་བའི་རྩྭ་ཐང་གི་བདག་དབང་དབང་ཆ་ཇི་ལྟར་གཏན་འཁེལ་བྱེད་དགོས། 

ཐུན་མོང་ལ་དབང་བའི་རྩྭ་ཐང་དེ་རྫོང་རིམ་པའི་མི་དམངས་སྲིད་གཞུང་གིས་ཐོ་འགོད་བྱས་ཏེ་བདག་དབང་ལག་ཁྱེར་ཞིབ་སྤྲོད་བྱས་ཏེ། རྩྭ་ཐང་བདག་དབང་ངོས་ལེན་བྱེད་དགོས། 

གོང་མ།:རྩྭ་ཐང་གི་བཅའ་ཁྲིམས་ཁྲིམས་སྲོལ་ཤེས་བྱ། ༢
འོག་མ།:དྲག་ཤུགས་འཇིགས་སྐུལ་བྱ་འགུལ་ལ་རྦད་ཆོད་ཀྱིས་འགོག་སྲུང་དང་རྡུང་རྡེག་བྱེད་དགོས།
 གསར་འཛུགས་གནས་ཚུལ།
རྨ་ལྷོ་ཁུལ་གྱིས་ཁྲིམས་སྐྱོང་'  
ཐུན་རིན་རྫོང་གིས་རེབ་གོང་དམང'  
ཉི་འོད་སྟོང་ལྡན་གྱི་ལུས་རྩལ་'  
རྨ་ལྷོ་ཁུལ་གྱིས་རྣམ་གྲངས་བརྒ(  
རྨ་ལྷོ་ཁུལ་གྱིས་སློབ་ཁྲིད་ཀྱ'  
དེ་ལས་མང་བ།
 དཔེ་བཟང་མཚོན་བྱེད།
འབྲོག་ཁུལ་གསར་བ་སྐྲུན་པའི་སྣ'  
མི་རིགས་མཐུན་སྒྲིལ་གྱི་མེ་ཏོ'  
ཧི་ནན་རྩྭ་ཐང་ནས་བརྩེ་སེམས་ཀྱ'  
ལོ་ངོ་སྟོང་ཕྲག་རིང་གི་བོད་སྤ'  
རེབ་གོང་སྟག་ཡན་སྲོལ་རྒྱུན་ཨར&  
དེ་ལས་མང་བ།
གཞན་གྱི་དགེ་མཚན་ཆུང་ངུ་།
མཚོ་བྱང་དང་མཚོ་ནུབ་ཁུལ་གཉིས་'  
རྨ་ལྷོས་གནད་ས་འབུར་ཐོན་གྱིས་'  
མཚོ་སྔོན་གྱིས་སྲིད་ཇུས་འཐུས་'  
རྨ་ཆུའི་མགོ་ཁུངས་ནས་འཆམ་མཐུན&  
རྐང་ཚ་རྫོང་ལ་རྒྱལ་ཡོངས་ཀྱི་མ'  
དེ་ལས་མང་བ།
  པར་རིས་གསར་འགྱུར།
ཞིང་ཆེན་དང་ཁུལ་རྫོང་རིམ་པ་སོ&
གཅན་ཚ་རྫོང་གིས་རྣམ་པ་ཀུན་འཛོ'
དེ་ལས་མང་བ།